FGG TIMES
సుప‌రిపాల‌నే ధ్యేయంగా
Vol. No. I | Issue No. 11 | Monthly News Letter | November 2025
IN FOCUS
క‌డు పేద‌రికాన్ని పార‌దోలే కొత్త‌మార్గం
పేద‌రిక నిర్మూల‌న‌కై కేంద్ర, రాష్ట్ర ప్ర‌భుత్యాలు ఎన్నో కార్య‌క్ర‌మాలు చేప‌ట్టి ఎంతో ఖ‌ర్చు చేసినా చాలా సంద‌ర్భాల‌లో అవి అట్ట‌డుగున ఉన్న అతి పేద కుటుంబాలకు అంద‌క‌పోవ‌డంతో స్వ‌తంత్ర భార‌త‌దేశంలో ఇంకా క‌డు పేద‌వారు ఉన్నారు. నీతి ఆయోగ్ అంచ‌నాల ప్ర‌కార‌ము తెలంగాణ రాష్ట్రంలో సుమారు 3% జ‌నాభా అంటే సుమారు 12 లక్షల మంది ఇంకా క‌డు పేద‌రికంలో మగ్గుతున్నారు. ఇక ప్ర‌పంచ బ్యాంకు అంచ‌నాల ప్రకారం ఒక వ్య‌క్తికి రోజుకు 3 డాల‌ర్ల కంటే త‌క్కువ ఆదాయం ఉన్న‌వారు అతి పేద‌త‌నంలో మ‌గ్గుతున్నార‌ని లెక్క. వీరికి స‌రియైన ఉపాధి, ఇతర సంక్షేమ ప‌థ‌కాలు అంద‌క ద‌రిద్ర నారాయ‌ణులుగా జీవిస్తున్నారు.
గ‌త 75 సంవ‌త్స‌రాలుగా కేంద్ర రాష్ట్ర ప్ర‌భుత్వాలు చేప‌ట్టిన సంక్షేమ ప‌థ‌కాలు ఏమైన‌ట్లు ? అవి క‌డు పేద‌ల వ‌ర‌కు ఎందుకు చేర‌డం లేదు అని ఆలోచించిన‌ప్పుడు ఈ సంక్షేమ ప‌థ‌కాల అమ‌లులో విప‌రీత‌మైన అవినీతి, ఆశ్రిత ప‌క్ష‌పాత‌ము, బంధుప్రీతి, రాజ‌కీయ‌నాయ‌కుల అండ‌దండ‌ల‌తో చాలా మ‌టుకు ఉన్న‌వారే. ఒక‌టికి రెండుసార్లు ల‌బ్ధిపొందిన సంద‌ర్భాలు చాలా ఉన్నాయి.
తెలంగాణ రాష్ట్రంలో ప్ర‌జ‌ల ఓట్ల‌ను దృష్టిలో ఉంచుకొని సంక్షేమ ప‌థ‌కాలు అమ‌లుచేయ‌డం జరుగుతుంది. ఆహార‌భ‌ద్ర‌త‌కై దారిద్య్ర రేఖ‌కు దిగువ‌న ఉన్న వారికి ఉచితంగా బియ్యం ఇవ్వాలి. తెలంగాణ రాష్ట్రంలో రకరకాల అంచ‌నాల ప్ర‌కార‌ము సుమారు 25% జ‌నాభా దారిద్య్ర రేఖ‌కు దిగువ‌న ఉన్నారు. అయితే గుడ్డెద్దు చేనులో ప‌డిన‌ట్లు రాష్ట్రంలోని 90% జ‌నాభాకు ఉచితంగా స‌న్న‌బియ్యం ఇవ్వ‌డం జరుగుతుంది. ఇక‌పోతే రైతుబంధు (రైతు భ‌రోసా) చిన్న, స‌న్న‌కారు మ‌రియు మధ్యతరగతి రైతుల‌కు ఇవ్వాలి కాని ప‌ట్టేదారు పాసు పుస్త‌క‌ము ఉన్న ప్ర‌తి రైతు అంటే వంద‌ల ఎక‌రాలు ఉన్న‌వారికి కూడ రైతుబంధు ఇవ్వ‌డం జరుగుతుంది. అలాగే వ్య‌వ‌సాయానికి ఉచిత క‌రెంటు ఒక రైతుకు రెండు మోటార్ల వ‌ర‌కు ఉచిత క‌రెంటు ఇచ్చిన బాగుండేది. అందుకు బ‌దులు ప‌ది మోటార్ల‌తో భూగ‌ర్భ‌జ‌లాల‌ను అధికంగా వాడుతున్న పెద్ద రైతుల‌కు కూడ ఉచిత క‌రెంటు ఇవ్వ‌డం జరుగుతుంది. అలాగే గృహ అవ‌స‌రాల‌కు 200 యూనిట్ల వ‌ర‌కు వాడే వారికి ఉచిత క‌రెంటు. వీరి ఇంటిలో టి.వి., ఫ్రిజ్ మ‌రియు ఇంటిముందు మోటార్‌సైకిల్ ఉంటాయి. వీరిని పేద‌లు అన‌డానికి వీలు లేదు. అయినా ప్ర‌భుత్వ‌ము ఓట్ల‌ను దృష్టిలో ఉంచుకొని ఉచిత క‌రెంటు ఇస్తున్నారు. ఇక రూ// 8 ల‌క్ష‌ల‌తో డ‌బుల్‌బెడ్ రూముల నిర్మాణ‌ము చేసినారు. ఉద్ధేశ్య‌ము చాలా బాగున్నా అమ‌లు లోపంతో చాలామంది అన‌ర్హులు మ‌ధ్య‌ద‌ళారుల‌కు ముడుపులు చెల్లించి ఇళ్ళు పొందుతున్నారు. ఇళ్ళు లేని క‌డు పేద‌ల‌కు స‌హాయ‌ము అందడం లేదు. క‌ళ్యాణ‌ల‌క్ష్మి, షాదీముబార‌క్ , బ‌తుక‌మ్మ చీరెలు వంటి కార్య‌క్ర‌మాలు క‌డుపేద‌ల‌కు అంద‌కుండా పోతున్నాయి. గ‌త ప్ర‌భుత్వం వ్య‌వ‌సాయ అనుబంధ వృత్తిగా గొర్రెల పెంప‌కం కార్య‌క్ర‌మ‌ము చేప‌ట్టింది. భూమి లేని గొల్ల కురుమల‌కు ఇది ఎంతో లాభ‌క‌ర‌మైన కార్య‌క్ర‌మ‌ము. అయితే అమ‌లులో లోపం, అవినీతి వంటి వాటితో పేద‌ల‌కు లాభం క‌లుగ‌లేదు. ఇప్ప‌టికి రాష్ట్రంలో అడ్ర‌సులేని సంచార జాతుల వారు బిక్షాట‌న చేసి జీవించే వారు చాలామంది ఉన్నారు. అటువంటి క‌డు పేద‌ల‌ను ఆదుకొనే కార్య‌క్ర‌మం కావాలి.
కేర‌ళ రాష్ట్రంలో క‌డుపేద‌ల‌ను గుర్తించి వారికి స‌హాయ‌ము చేయుట‌కు ఒక కార్య‌క్ర‌మ‌ము 2021లో ఎక్స్‌ట్రీమ్‌ పావ‌ర్టీ ఎరాడికేష‌న్‌ ప్రాజెక్టు (Extreme Poverty Eradication Project, E.P.E.P) చేప‌ట్ట‌బ‌డింది. ఇందులో ఒక ప‌ద్ధ‌తి ప్ర‌కార‌ము క‌డుపేద‌ల‌ను గుర్తించే కార్య‌క్ర‌మంలో గ్రామ స‌భ‌ల ద్వార, గ్రామ పంచాయితీలు, ఆస‌రా కార్య‌క‌ర్త‌లు మ‌రియు స్వ‌చ్ఛంద సేవా సంస్థల స‌హ‌కారంతో మొద‌ట క‌డు పేద కుటుంబాల‌ను గుర్తించి ప్ర‌తి కుటుంబ అవ‌స‌రాల‌పై ఒక ప్ర‌త్యేక ప్ర‌ణాళిక త‌యారుచేసి సుమారు 64 వేల కుటుంబాల వారు క‌డు పేద‌త‌నం నుంచి బ‌య‌ట ప‌డ‌డానికి కార్య‌క్ర‌మాలు చేప‌ట్టినారు. గ‌త 4 సంవ‌త్స‌రాల‌లో కేర‌ళ ప్ర‌భుత్వం ఈ కార్య‌క్ర‌మాన్ని చేప‌ట్టి పూర్తి చేసింది. ఇప్పుడు కేర‌ళ ప్ర‌భుత్వం త‌మ రాష్ట్రంలో ద‌రిద్య్ర నారాయ‌ణులు ఎవరూ లేర‌ని గొప్ప‌గా చెపుతుంది.
తెలంగాణ రాష్ట్ర ప్ర‌భుత్వం కేర‌ళ ప్ర‌భుత్వం చేప‌ట్టిన ప‌ద్ధ‌తి అమ‌లు ప‌రిశీలించుట‌కే సంబంధిత అధికారుల‌ను అచ్చ‌ట‌కి పంపి తెలంగాణ రాష్ట్రంలో కూడ ఈ ప‌థ‌కాన్ని అమ‌లుచేసి క‌డు పేద‌వారిని అదుకొనే కార్య‌క్ర‌మం చేప‌ట్టాల‌ని ఫోరం ఫ‌ర్ గుడ్ గవర్నెన్స్ కోరుతుంది.
యం. ప‌ద్మ‌నాభ‌రెడ్డి
అధ్య‌క్షులు
Reimagining India’s Civil Services: Need for a new Governance paradigm
We citizens are ushered into a new era of confidence and progress with a vision to achieve our full potential to become a developed country. Termed pithily as ‘Amrit Kaal’ with emphasis on economic growth, infrastructure improvements, improved living standards and self-reliance, it presupposes good governance as one of the approaches to achieve the goals. It is imperative, therefore, to visit the very philosophy of recruitment for public services, evaluate its strengths and weaknesses and develop new paradigms should there be a warrant.
Article 315 of the Constitution envisages an autonomous and tiered institutional structure for transparent, objective and rational process of recruitment for public services at the Union and state level through Public Service Commissions. The Union Public Service Commission (UPSC) and the various State Public Service Commissions have undeniably democratized access to careers in public service. What was once perceived as an exclusive preserve of the elite has now become attainable to individuals from diverse academic and socio-economic backgrounds — including those from vernacular institutions and tier-2 and tier-3 cities. This transformation represents a commendable stride toward inclusivity.
However, now the time has come for a systemic reform — not merely in procedure but in philosophy.
The Pitfalls
The recruitment policies and procedures remained stagnant for long save some tinkering in testing methods making it irrelevant for the current trends, issues and future vision. Emphasis has been on regurgitation of facts. Critical and creative faculties are seldom tested, much less rewarded.
It is a matter of concern that the service orientation is on the decline and personal ambition of the personnel is on the rise. This again is directly relatable to the over emphasis on infinite powers loaded to couple of services i.e. IAS and IPS. The over emphasis on generalist approach in administration has defeated the purpose and professionalism in many facets of administration. Multiple expert reports have established that such a generalist-dominated bureaucracy impedes efficiency, fosters stagnation, and dilutes accountability. To reimagine governance as truly people-centric, decentralization and specialization must replace hierarchy and monopolization.
The Case for Sector-Specific Services
A forward-looking reform would involve integrating professional expertise into public administration. India produces thousands of specialists in medicine, law, agriculture, engineering, economics, and finance — yet most are compelled to compete for generalist posts that underutilize their knowledge. Given that vast pool of talent is created it makes sense to imagine services such as :
- Indian Medical Service (IMS)
- Indian Legal Service (other than the judiciary)
- Indian Agricultural & Animal Husbandry Service (IAHS)
- Indian Financial & accounting Service (IFAS)
The above is just illustrative. Subjects like energy, environment, urban management, nutrition, biotech, etc need special focus with specialist heading their respective domains in administration and not be dictated by a generalist. The improvement in human development markers of our nation can be expected only by such specialist approach. It is a fact that India needs to heavily plan and invest in R&D in any sector to keep pace globally and such priority areas can be anchored better by respective subject professionals only.
Further, such inclusive approach would bring down the excessive powers of select services and eventually artificial craze and rush to achieve them would be less among the youth. This would also result in minimising the recurring recruitment scams and disputes that have surfaced recently in many a state.
Reforms in Recruitment Mechanisms
If such structural transformation appears distant, short- and medium-term reforms must at least modernize recruitment processes.
Firstly, the inclusion of psychometric and aptitude assessments is essential to gauge temperament, emotional intelligence, and leadership orientation — especially for roles demanding public interface, such as in policing. The tools for such evaluation already exist in modern psychology; what remains missing is institutional intent.
Further, the content of examinations requires a paradigm shift. Rather than testing factual recall in history or polity, papers should challenge candidates ability to apply concepts to contemporary governance contexts, thereby cultivating analytical and decision-making ability.
Several state commissions have abolished personal interviews, which should instead be reinstated and redesigned to evaluate personality and administrative aptitude rather than rote academic proficiency.
Decentralizing the Public Service Commissions
Another pragmatic reform involves rationalizing recruitment responsibilities. State commissions could focus exclusively on top-tier services (Group-I), while regional or zonal bodies manage subordinate categories (Group-II, III, IV). Additionally, department-level recruitment cells could be empowered to select specialized personnel.
In states like Telangana, it is imperative to redefine the scope of Group-I services. Certain legacy posts — such as lay secretaries, jailors etc— could be phased out to accommodate emerging domains such as education technology, industry promotion, agriculture innovation, and urban development. For instance, candidates with engineering backgrounds could be directed toward industrial or infrastructure departments, while B.Ed. graduates could strengthen educational administration.
Restoring Professionalism and Purpose
When governance recognizes and channels academic specialization into public administration, professionalism naturally deepens. Specialists would not only enhance departmental competence but also re-infuse dignity into their respective disciplines. Such distributed expertise would unburden the administrative hierarchy, dissolve the over-centralized power of generalists, and transform governance into a collaborative, knowledge-driven enterprise.
India’s next generation of civil service reforms must therefore aim not merely at expanding opportunity but at restructuring the very architecture of governance — from one of uniform authority to one of diverse and specialized; emphasis on creativity over control. The slogan for future should be responsibility and accountability and not power and authority as it is today. This would ring in new age governance which is capable of delivering goals of ‘Amrit Kaal’.
– P.R.Anuradha
(Career Counsellor & Formerly Additional Commissioner, GST & Member Tax Tribunal).
Building Trust and Accountability in Telangana’s Real Estate
A New Era of Confidence
The Telangana Real Estate Regulatory Authority (TG RERA) has quietly but decisively transformed the real estate landscape of the State. What was once an industry clouded by uncertainty, delayed deliveries, and opaque transactions has evolved into one guided by transparency, accountability, and growing consumer trust.
Over the past three years, TG RERA has not only streamlined project registration and compliance but has also emerged as a reliable platform for grievance redressal. Its steady efforts have made homebuyers more informed, developers more accountable, and housing societies more aware of their rights and duties.
The intent of RERA is reformative, not punitive. We aim to create a culture of trust and discipline in real estate transactions.
The Numbers Speak for Themselves
Telangana’s real estate sector continues to expand under RERA’s regulatory supervision. Between 2023 and September 2025, the Authority approved 4,199 projects, ensuring that every registered venture adheres to statutory norms and disclosure obligations.
At the same time, the rising number of consumer complaints reflects not discontent, but public awareness and growing confidence in RERA’s mechanisms. Since inception, TG RERA has received 2,340 complaints, out of which 1,566 have been resolved, marking a 67% disposal rate.
The Authority has also imposed penalties totaling Rs.49.73 crore on errant developers — a clear signal that consumer protection is non-negotiable. RERA would like to reiterate that compliance is not a burden; it is the hallmark of a responsible developer.
Patterns of Complaints
An analysis of the complaints received shows the most common issues troubling homebuyers:
Nature of Complaint Cases% of Total
Fraudulent Sales / Duping 675 28.85%
Project Delays 493 21.06%
Unregistered Sales 173 7.39%
Non-registration of Flats/Plots 230 9.83%
Deficient Amenities (Water, Parking, Drainage) 477 20.38%
Refund / Compensation Claims 217 9.27%
Delayed handovers, false promises, and inadequate amenities remain key pain points — but unlike the past, buyers now have a strong legal mechanism to address them.
Guiding the Buyer: Know before you buy.
For homebuyers, RERA has become both a shield and a guide. TG RERA reminds every prospective buyer that awareness is the first step toward protection.
- Check RERA registration before booking—visit https://rera.telangana.gov.in.
- Avoid “pre-launch” or unregistered projects — these are legally risky.
- Review approvals and timelines available on the RERA portal.
- Make payments through traceable bank channels only and into the project designated account.
- Insist on a registered sale agreement before paying major installments.
- Report misleading advertisements or violations directly to TG RERA.
RERA believes that an informed buyer is the safest investor. On its part RERA empowers you to verify before you buy.
Guidance for Developers: Compliance Builds Credibility.
Developers have increasingly realized that RERA compliance enhances brand value and earns buyer trust. Today, projects carrying a valid RERA registration number enjoy higher credibility in the marketplace.
- Register your project before advertising or collecting funds.
- Adhere to declared timelines and approved plans.
- Display RERA numbers prominently in advertisements.
- Resolve buyer grievances proactively and transparently.
RERA’s approach is collaborative, not confrontational — it seeks to support compliant developers and hold violators accountable.
Resident Welfare Associations: Custodians of Community Rights
Resident Welfare Associations (RWAs) represent the final, but crucial, link in the real estate ecosystem. TG RERA views RWAs as community guardians ensuring standards and accountability after possession.
- Ensure proper handover of documents, plans, and warranties from developers.
- Maintain transparency in collection and utilization of maintenance funds.
- Monitor essential amenities such as water supply, parking, and safety systems.
- Engage with RERA for redressal of pending or unresolved builder issues.
Resident associations are the living voice of RERA compliance — they ensure promises are kept long after possession.
Warnings and Red Flags
TG RERA continues to caution homebuyers and the public against unregistered projects, unauthorized layouts, and misleading online promotions.
Buyers are urged to verify every claim, and developers are reminded that selling or advertising without registration invites strict penalties, including blacklisting and prosecution.
Transparent Future
Telangana’s real estate sector is now on a firm path toward maturity.
With RERA’s consistent enforcement and growing public awareness, the market is becoming cleaner, safer, and more accountable.
The Authority remains committed to its mission — ensuring that every homebuyer’s dream is realized in an environment of fairness and trust.
About TG RERA
The Telangana Real Estate Regulatory Authority, constituted under the Real Estate (Regulation and Development) Act, 2016, is mandated to regulate and promote the real estate sector, ensure transparency in transactions, and protect the interests of homebuyers. For more details, visit: https://rera.telangana.gov.in
J.Laxmi Narayana,Member,RERA
నేరాల‌కు చ‌ట్ట‌ప‌ర‌మైన మిన‌హాయింపులు
పూర్వ‌పు భార‌త శిక్షా స్మృతి, నేటి భార‌తీయ న్యాయ సంహిత‌లు కొన్ని సంద‌ర్భాల‌లో చేసిన నేరాల‌కు శిక్ష‌ల నుండి మిన‌హాయింపులు ఇచ్చాయి. చేసిన నేరానికి ఏ ప‌రిస్థితుల్లో శిక్ష నుండి మిన‌హాయింపు ల‌భిస్తుంద‌నే విష‌యాన్ని భార‌త శిక్షాస్మృతి లోని 76 నుండి 95 సెక్ష‌న్ లు ః భార‌తీయ న్యాయ సంహిత‌లోని 14 నుండి 33 సెక్ష‌న్ లు తెలియ‌జేస్తాయి.
ఏడు సంవ‌త్స‌రాల కంటే త‌క్కువ వ‌య‌స్సు ఉన్న పిల్లలకు వారి చ‌ర్య‌ల స్వ‌భావం, దాని ప‌రిణామాల‌ను అర్థం చేసుకునే ప‌రిప‌క్వ‌త, మానసిక సామ‌ర్థ్యం ఉండ‌ద‌ని చ‌ట్ట‌ప‌ర‌మైన అంచ‌నా. ఇది నేర ఉద్ధేశ్యానికి (మెన్స‌రియా) అవ‌స‌ర‌మైన అంశం కావున వారిని నేర‌పూరిత చ‌ర్య‌ల విచార‌ణ నుండి మిన‌హాయిస్తూ ఈ చ‌ట్టాలు ర‌క్ష‌ణ క‌ల్పించాయి.
పిల్ల‌ల నేర మిన‌హాయింపులు :
ఏడు సంవ‌త్స‌రాలు మించి వ‌య‌స్సు, ప‌న్నెండు సంవ‌త్స‌రాల లోపు వ‌య‌స్సు పిల్లలు వారి చ‌ర్య‌ల స్వ‌భావం వాటి ప‌రిణామాల‌ను అంచ‌నా వేయ‌డానికి త‌గినంత అవ‌గాహ‌న ప‌రిప‌క్వ‌త లేకుండా నేరం చేస్తే అప‌రిప‌క్వ వ‌య‌స్సు కార‌ణంగా అది నేరంగా ప‌రిగ‌ణించ‌బ‌డ‌ద‌ని ఈ చ‌ట్టాలు చెపుతున్నాయి. అయితే జువ‌నైల్ జ‌స్టిస్ చట్ట ప్రకారం ఏడు సంవ‌త్స‌రాల లోపు, ప‌న్నెండు సంవ‌త్స‌ర‌రాల లోపు పిల్లలు నేరం చేసిన‌ట్ల‌యితే మిగ‌తా చ‌ట్టాల‌తో ప్ర‌మేయం లేకుండా ఆ చ‌ట్టం నిర్థేశించిన శిక్ష, జ‌రిమానా, పున‌రావాసం లాంటివి క‌ల్పించాలి. అంటే ఏడు సంవ‌త్స‌రాల లోపు పిల్లలు నేరాల‌కు పాల్ప‌డితే దేశంలోని చ‌ట్టాలు వారికి విచార‌ణ లేదా శిక్ష నుండి సంపూర్ణ మిన‌హాయింపును ఇచ్చిన‌ట్లుగా భావించ‌రాదు.
మానసిక రుగ్మ‌త‌ను నిరూపించుకుంటే :
ఇక మానసిక రుగ్మ‌త కార‌ణంగా త‌న చ‌ర్య‌ల స్వ‌భావాన్ని అర్థం చేసుకోలేక చ‌ట్టానికి విరుద్ధంగా తప్పు చేస్తున్న‌ట్లు తెలియ‌క‌పోయినా, చేసిన చ‌ర్య‌ల‌కు శిక్ష నుండి చ‌ట్ట‌ప‌ర‌మైన మిన‌హాయింపు ల‌భిస్తుంది. ఈ చ‌ట్ట‌ప‌ర‌మైన మానసిక రుగ్మ‌త‌ను నిరూపించుకునే బాధ్యత నేరం చేసిన వారిపై ఉంటుంది. ఒక వ్య‌క్తి మ‌ద్యం మ‌త్తులో ఉన్న‌ప్పుడు నేరం చేస్తే ఆ మ‌త్తు అంక‌ల్పితంగా జ‌రిగింద‌ని త‌న‌కు తెలియ‌కుండా లేదా త‌న ఇష్టానికి వ్య‌తిరేకంగా మ‌త్తు నిర్వ‌హించ‌బ‌డింద‌ని చ‌ర్య స‌మ‌యంలో దాని స్వ‌భావాన్ని
లేదా అది చట్ట విరుద్ధ‌మ‌ని అర్థం చేసుకోలేని ప‌రిస్థితిలో తాను ఉన్న‌ట్లు ఋజువుచేసుకుంటే శిక్ష నుండి ర‌క్ష‌ణ ల‌భిస్తుంది. అలాగే ఒక వ్య‌క్తి స‌మ్మ‌తితో అత‌ని ప్ర‌యోజ‌నం లేదా శ్రేయ‌స్సు కోసం మంచి విశ్వాసంతో ఒక చ‌ర్య చేసిన‌ప్పుడు ఆ చ‌ర్య మ‌ర‌ణానికి కార‌ణ‌మ‌య్యే అవ‌కాశం తెలిసిన‌ప్ప‌టికీ ఆ చ‌ర్య ద్వార ఆ వ్య‌క్తికి ఏదేని హాని జ‌రిగినా, ఆ చ‌ర్య నేరం నుండి మిన‌హాయింపు ల‌భిస్తుంది. ఇందుకు ఉదాహ‌ర‌ణ రోగి మ‌రియు డాక్ట‌రు ఎవ‌రినుండైనా త‌క్ష‌ణ మ‌ర‌ణ బెదిరింపు మూలంగా ఒక వ్య‌క్తి ఏదేని చట్ట విరుద్ధమైన చ‌ర్య‌కు పాల్ప‌డితే అది కూడా మిన‌హాయింపు నుండి ల‌భ్య‌త పొందుతుంది.
ఆత్మ‌ర‌క్ష‌ణ కోసం చేసే నేరాల్లో :
అదే విధంగా ఆత్మ‌ర‌క్ష‌ణ కోసం చేసే నేరాలు నేరాలుగా ప‌రిగ‌ణింప‌బ‌డ‌వ‌ని భార‌త శిక్షా స్మృతి లోని 96 నుండి 106 సెక్ష‌న్‌లు , భార‌తీయ న్యాయ సంహిత‌లోని 14 నుండి 44 సెక్ష‌న్‌లు తెలియ‌జేస్తున్నాయి. దొంగ‌త‌నం, దోపిడీ, నేర‌పూరిత అతిక్ర‌మ‌ణ, అల్ల‌ర్లు వంటి నేరాల‌కు వ్య‌తిరేకంగా ఒక వ్య‌క్తి త‌న‌ను ఇత‌రుల‌ను వారి స్థిర చ‌రాస్థుల‌ను ర‌క్షించుకునే సంద‌ర్భంలో చేసే చ‌ర్య కొన్ని ప‌రిమితుల‌కు లోబ‌డి ఉంటుంది. మానసిక స్థితి స‌రిగా లేని మ‌త్తులో ఉన్న లేదా ప‌రిప‌క్వ‌త లేని అపోహ‌తో వ్య‌వ‌హ‌రించే వ్య‌క్తి నేరంగా ప‌రిగ‌ణించ‌బ‌డ‌ద‌ని ఏదేని చట్ట విరుద్ధమైన చ‌ర్య‌కు పాల్ప‌డితే దానికి వ్య‌తిరేకంగా వ్యక్తిగత ర‌క్ష‌ణ కొర‌కు చేసే ప్ర‌తిచ‌ర్య నేర‌విచార‌ణ నుండి ర‌క్ష‌ణ పొంద‌వ‌చ్చు.
నిరూపించుకోవాల్సింది బాధితుడే :
సాక్ష్య చ‌ట్టం లోని సెక్ష‌న్ 105, భార‌తీయ సాక్ష్య అధినియ‌మంలోని సెక్ష‌న్ 105 ప్రకారం, నేరం నుండి సాధార‌ణ మిన‌హాయింపు కోరినప్పుడు లేదా ప్రైవేటు డిఫెన్సు లేవ‌నెత్తిన‌ప్పుడు వాటిని స‌మ్మ‌తించే ప‌రిస్థితుల‌ను నిరూపించాల్సిన భారం నిందితుడి మీద ఉంటుంది. మొత్తంగా గ‌మ‌నించిన‌ట్ల‌యితే నేరం ఏ ప‌రిస్థితిలో చేసారు, నేర నిర్థార‌ణ మిన‌హాయింపు కోర‌వ‌చ్చునా, ఉప‌యోగించిన ఆత్మ ర‌క్ష‌ణ అవ‌స‌ర‌మైన విధంగానే ఉందా ? అనే విష‌యాలు అంతిమంగా తేల్చ‌వ‌ల‌సింది న్యాయ‌స్థానాల ప‌రిధిలోనే ఉంది.
త‌డ‌క‌మ‌ళ్ళ ముర‌ళీధ‌ర్
జిల్లా రిటైర్డ్ న్యాయ‌మూర్తి
స‌మాచార హ‌క్కు చ‌ట్టానికి 20 ఏళ్ళు, అమ‌ల్లో చిత్త‌శుద్ధి లోపం
కేంద్ర స‌మాచార కమీషన్ కూడ ప్ర‌ధాన స‌మాచార క‌మీష‌న‌ర్ లేకుండా ప‌నిచేస్తుంది. ఇలా ఈ పోస్టు ఖాళీగా ఉండ‌టం ఇది 11 వ సారి.
స‌మాచార హ‌క్కు చ‌ట్టం ప్ర‌భుత్వంలోని అవినీతిని, ఆల‌స్యంను (ఎర్ర టేపు విధానం) స‌మ‌ర్థ‌వంతంగా ఎదుర్కోవ‌డానికి స‌మాజానికి ఒక వ‌జ్రాయుధంగా ప‌నిచేస్తుంది. అక్టోబ‌రు 12 వ‌తేది 2005లో అమ‌ల్లోకి వచ్చిన స‌మాచార‌హ‌క్కు చ‌ట్టానికి 20 సంవ‌త్స‌రాలు. కేంద్రంలో అప్ప‌ట్లో అధికారంలో ఉన్న మ‌న్మోహ‌న్ సింగ్ ప్ర‌భుత్వం అమ‌ల్లోకి తెచ్చిన ప్ర‌ముఖ చ‌ట్టాల‌లో ప్ర‌ధాన‌మైన‌ది స‌మాచార‌హ‌క్కు చ‌ట్టం. ప్ర‌భుత్వంలోని లొసుగుల‌ను బ‌ట్ట‌బ‌య‌లు చేయ‌డానికి, పాల‌న‌లో పార‌ద‌ర్శ‌క‌త తేవ‌డానికి, పాల‌న‌లో సాధికార‌త‌కు ఈ చ‌ట్టం తోడ్ప‌డుతుంది. భార‌త‌దేశం వంటి ప్ర‌జాస్వామ్య‌దేశంలో ప్ర‌జ‌లే సార్వ‌భౌమ అధికారం క‌లిగి ఉంటారు. వారి చేత ఎన్నుకోబడ్డ ప్ర‌జాప్ర‌తినిధులు ప్ర‌భుత్వం చేత నియ‌మించ‌బ‌డిన ప్రభుత్వ ఉద్యోగులు ఏర‌కంగా ప‌నిచేస్తున్నారో తెలుసుకోవ‌డానికి స‌మాచార‌హ‌క్కు చ‌ట్టం తోడ్ప‌డుతుంది.
కేంద్ర, రాష్ట్ర ప్ర‌భుత్వాలు ప్ర‌జ‌ల సంక్షేమం కోసం దేశ, రాష్ట్రాల అభివృద్ధి కోసం ప‌న్ను చెల్లింపుదారుల ద్ర‌వ్యాన్ని ఖ‌ర్చు చేస్తాయి. ఈ ద్ర‌వ్యాన్ని ఎందుకోసం ఏర‌కంగా ఖ‌ర్చు చేసారో తెలుసుకోవ‌డానికి స‌మాచార‌హ‌క్కు చ‌ట్టం ఉప‌యోగ‌ప‌డుతుంది. స‌మాచార హ‌క్కు చ‌ట్టం చారిత్రాత్మ‌క చ‌ట్టం. భార‌త ప్ర‌జ‌లంద‌రికీ ప్ర‌భుత్వం నుండి వారికి అవ‌స‌ర‌మైన స‌మాచారాన్ని సేక‌రించ‌డానికి ల‌భించిన చ‌ట్ట‌ప‌ర‌మైన హ‌క్కు ఈ స‌మాచార హ‌క్కు చ‌ట్టం.
ఏ సమాచారం పొంద‌వ‌చ్చు :
1923లో ఆనాటి ఆంగ్లేయ పాల‌కులు ప్ర‌జా అణచివేతకు సంబంధించిన ఎటువంటి సమాచారం ప్ర‌జ‌ల‌కు అంద‌కూడ‌ద‌ని ప్రభుత్వ ర‌హ‌స్య చ‌ట్టాన్ని రూపొందించారు. స‌మాచార హ‌క్కు చ‌ట్టం స‌కారాత్మ‌క‌మైన చ‌ట్టం. అయితే ప్రభుత్వ ర‌హ‌స్యాల చ‌ట్టం న‌కారాత్మ‌క‌మైన‌ది. విశ్వ వ్యాప్తంగా సుమారు 65 లక్షల మంది ప్ర‌జ‌లు వారికి అవ‌స‌ర‌మైన స‌మాచారాన్ని ఈ హ‌క్కు చ‌ట్టం ద్వార పొందుతున్నారు.
ప్ర‌జ‌లు వారి క‌నీస అవ‌స‌రాల‌కు సంబంధించిన రేష‌న్ పంపిణీ, పెన్ష‌న్ల‌కు సంబంధించిన సమాచారం, పౌర‌విధుల‌కు సంబంధించిన స‌మాచారాన్ని పొంద‌డానికి స‌మాచార హ‌క్కు తోడ్ప‌డుతుంది. ఈ చ‌ట్టం వల్ల ప్ర‌జ‌లు, ప్రభుత్వ ప‌నుల‌ను ప‌రిశీలించ‌వ‌చ్చు. అవ‌స‌ర‌మైన స‌మాచారాన్ని టేపుల రూపంలో , ఫ్లాపీల రూపంలో, ప్రింటు రూపంలో అవ‌స‌ర‌మైన స‌మాచారాన్ని నామ‌మాత్ర ఫీజు చెల్లించి పొంద‌వ‌చ్చు.
ప్ర‌ముఖ పాత్ర ఫి.ఐ.ఓ ల‌ది. :
స‌మాచార హ‌క్కు చ‌ట్టం అమ‌లులో ప్ర‌ముఖ పాత్ర‌ను పోషించేది ప‌బ్లిక్ ఇన్ఫ‌ర్మేష‌న్ అధికారులు (పి.ఐ.ఓ.). ప్ర‌తి ప్రభుత్వ యూనిట్లో ఒక ప‌బ్లిక్ ఇన్ఫ‌ర్మేష‌న్ అధికారిని నియ‌మిస్తారు. ఆ యూనిట్లో ప‌నిచేస్తున్న అధికారుల నుండి ఒక‌రిని పి.ఐ.ఓ.గా నియ‌మిస్తారు. ఈ బాధ్య‌త‌లు నిర్వ‌హించినందుకు వారికి ఎటువంటి అద‌న‌పు భ‌త్యం ల‌భించ‌దు. పైగా ప్ర‌జ‌లు అడిగిన స‌మాచారాన్ని నియ‌మిత స‌మ‌యంలోపు అందించాలి. త‌గిన కారణాలు లేకుండా స‌మాచారాన్ని ఇవ్వ‌క‌పోయినా, త‌ప్పుడు సమాచారం ఇచ్చినా, అర్థ సమాచారం ఇచ్చినా రూ// 25 వేల వ‌ర‌కు జ‌రిమానా (పెనాల్టి) చెల్లించాల్సి ఉంటుంది. ఈ కార‌ణంగా ప్రభుత్వ ఉద్యోగులు పి.ఐ.ఓ. అధికారులుగా అద‌న‌పు బాధ్య‌త‌ను స్వీక‌రించ‌డానికి ఇష్ట‌ప‌డ‌డంలేదు. పి.ఐ.ఓ. ఇచ్చిన స‌మాచ‌రం సంతృప్తి క‌రంగా లేదని భావ‌స్తే , అప్పీలేట్ అధికారికి ఫిర్యాదు చేయ‌వ‌చ్చు. అక్కడ న్యాయం జ‌ర‌గ‌లేద‌ని భావిస్తే కేంద్ర స‌మాచార కమీషన్ లేదా రాష్ట్ర స‌మాచార హ‌క్కు కమీషన్ కు ఫిర్యాదు చేయ‌వ‌చ్చు.
చ‌ట్టం అమ‌ల్లో లోపించిన చిత్త‌శుద్ధి :
గ‌త 20 సంవ‌త్స‌రాల స‌మాచార హ‌క్కు చ‌ట్టం అమ‌లు తీరును పరిశీలిస్తే ఈ చ‌ట్టం అమ‌ల్లో ప్రభుత్వ విముఖ‌త స్ప‌ష్టంగా క‌నిపిస్తుంది. చ‌ట్టం అమ‌ల్లోకి వచ్చిన సంవ‌త్స‌రం లోపే ఆ చట్ట స‌వ‌ర‌ణ‌కు ప్ర‌య‌త్నం జ‌రిగింది. ఈ ప్ర‌తిపాదిత సవరణను అనుస‌రించి ప్రభుత్వ ఫైళ్ళ‌పై చేసిన‌టువంటి నోటింగుల‌ను, కామెంట్ల‌ను, అభిప్రాయాల‌ను , స‌మాచార‌హ‌క్కు చ‌ట్టం నుండి మిన‌హాయించ‌డానికి ప్ర‌తిపాద‌న‌లు చేయ‌డం పౌర‌స‌మాజం నుండి తీవ్ర వ్య‌తిరేక‌త రావ‌డంతో ఉప‌సంహ‌రించుకోవ‌డం జ‌రిగింది. గ‌మ‌నార్హ‌మైన అంశం ఏమిటంటే కేంద్రంలో అధికారంలో ఉన్న భార‌తీయ జ‌న‌తాపార్టీ ప్ర‌భుత్వం 2019లో స‌మాచార హ‌క్కు చ‌ట్టంలో స‌వ‌ర‌ణ‌లు చేసింది. ఈ సవరణను అనుస‌రించి కేంద్ర, రాష్ట్ర స‌మాచార క‌మీష‌న్లు స‌ర్వీసు నిబంధ‌న‌ల‌ను, జీత‌భ‌త్యాల‌ను సంవ‌రించ‌వ‌చ్చు. ఈ సవరణ కమీషన్ నిర్వ‌హ‌ణ సామ‌ర్థ్యంపై ప్ర‌భావం చూపుతుంది అన్న విమ‌ర్శ ఉంది. 2023లో పార్ల‌మెంటు డిజిట‌ల్‌, ప‌ర్స‌న‌ల్ డేటా ప్రొటెక్ష‌న్ చ‌ట్టాన్ని (Digital, Personal Data Protection: DPDP) రూపొందించిన‌ది. ఈ సవరణ అనుస‌రించి పి.ఐ.ఓ.లు వ్యక్తిగత స‌మాచారాన్ని ప్ర‌జ‌ల‌కు ఇవ్వ‌వ‌ల‌సిన అవసరం లేదు. వ్యక్తిగత గోప‌త్య‌ను దృష్టిలో ఉంచుకొని ఈ సవరణ తెచ్చిన‌ట్లు బి.జె.పి. ప్ర‌భుత్వం చెపుతుంది. ప్ర‌తిప‌క్ష కాంగ్రెస్ పార్టీ ఈ సవరణను వ్య‌తిరేకించింది. ఈ సంవ‌త్స‌రం జూన్ 30 వ తేది నాటికి 4 లక్షల కంటే ఎక్కువ అప్పీళ్ళు, ఫిర్యాదులు 29 స‌మాచార‌హ‌క్కు కేంద్ర స‌మాచార కమీషన్, రాష్ట్ర స‌మాచార క‌మీష‌న్‌ల ప‌రిధిలో పెండింగులో ఉన్నాయి. ఒక అంచ‌నా ప్రకారం 6 రాష్ట్రాల స‌మాచార క‌మీష‌న్లు త‌మ విధుల‌ను నిర్వ‌హించ‌డం లేదు. కొన్ని రాష్ట్రాల్లో రాష్ట్ర స‌మాచార క‌మీష‌న్లు ముఖ్య స‌మాచార క‌మీష‌న‌ర్లు లేకుండా ప‌నిచేస్తున్నాయి. కేంద్ర స‌మాచార కమీషన్ కూడ ప్ర‌ధాన స‌మాచార క‌మీష‌న‌ర్ లేకుండా ప‌నిచేస్తున్న‌ట్లు సమాచారం. ఇలా పోస్టును భ‌ర్తీ చేయ‌కుండా జాప్యం చేయ‌డం ఇది 11వ సారి. దుర‌దృష్ట‌వ‌శాత్తు సమాచారం కోసం పోరాడి సుమారు 300 పై భౌతిక దాడులు జ‌రుగ‌గా, 108 మంది చంప‌బడ్డ‌ట్టు తెలుస్తోంది.
20 సంవ‌త్స‌రాల స‌మాచార‌హ‌క్కు చ‌ట్టంపై ప్ర‌జ‌ల‌కు అవ‌గాహ‌న పెరిగిన కార‌ణంగా ఎక్కువ‌మంది చ‌ట్టాన్ని ఉప‌యోగించి సమాచారం కోసం ద‌ర‌ఖాస్తు చేయ‌డం వల్ల నిస్సందేహంగా ప్రభుత్వ ప‌నితీరులో కొంత జ‌వాబుదారీత‌నం పెరిగింది. ఈ చ‌ట్టం ద్వార సమాచారం పొంద‌డం కోసం ప్ర‌త్యేకంగా ఎటువంటి ఫారం రూపొందించ‌లేదు. తెల్ల‌కాగితంపై త‌మ‌కు కావ‌ల‌సిన సమాచారం కోసం ప్ర‌తిపాదిత ప‌ది రూపాయిలు చెల్లించి ప‌బ్లిక్ ఇన్ఫ‌ర్మేష‌న్ అధికారికి ద‌ర‌ఖాస్తు చేసుకొని అవ‌స‌ర‌మైన సమాచారం పొంద‌వ‌చ్చు. స‌మాచార చ‌ట్టం నిస్సందేహంగా సామాన్యుడికి సాధికార‌త‌ను క‌ల్పించింది. బ్ర‌హ్మాస్త్రాన్ని ఇచ్చింది.
పి. మోహ‌న‌రావు
మెంబ‌రు
ఫోరం ఫ‌ర్ గుడ్ గవర్నెన్స్
ఎవరిని పాపం అనాలి - ఎందుకు పాపం అనాలి
నేడు ఎక్కడన్నా నలుగురు మధ్య తరగతి వారు కలిస్తే చాలు వినబడే అక్రందనలు, పాత రోజులు ఎంత బాగుండేవో! ఇవాళ అన్నీ మండిపోతున్నాయి. ఏదీ కొనలేము, తినలేము. ఎంత డబ్బులున్నా సరిపోవట్లేదు. ఇదీ అదీ అని కాదు, స్కూలు, కాలేజీ ఫీజులు వేలు, లక్షలు. చిన్న సుస్తి చేసినా హాస్పిటల్లో వేలు కుమ్మరిస్తే గాని అక్కడినుండి బయటపడం అనే గుండెల బాదుళ్లే. ఆలా అని ఇవేవి నిజాలు కావా అంటే, అవన్నీ నిష్టుర సత్యాలే. మరి మనం బాధితులo మాత్రమేనా, ఆ బాధలకు కారణభూతులం కానేకామా అని ఒక్కసారి సింహావలోకనం చేసుకుందామా?
నేటి సమాజంలో ప్రజలని ఆర్ధిక పరంగా రెండు వర్గాలుగా విభజించ వచ్చు. ఒక వర్గం వారు 25-30 % మంది పై అటుపోట్లకు అతీతులు, ధరల పొట్లూ వాళ్ళ ఆదాయాల పెoపుకే తోడ్పడుతాయి. ఇక బాధలన్నీ మధ్యతరగతి, అల్పాదాయ కుటుంబాలకు చెందిన రెండవ వర్గానివే. వారే 75-70% వుంటారు. అప్పుడెప్పుడో 77 ఏళ్ల కిందట కొన్ని లక్షల మందే జనాభాగా ఉన్న బ్రిటన్ అనే చిన్న దేశస్థులు కొన్ని కోట్ల మంది భారతీయులను సుమారు 200 ఏళ్ళు అణిచి వేసి పాలించారు.మొత్తానికి కొన్ని దశాబ్దాల పాటు రకరకాల ఉద్యమాలు చేసి, ఎంతో మంది బలిదానం చేస్తేకానీ, మనకు స్వరాజ్యం రాలేదు. మరి ఇప్పుడూ ప్రజాప్రభుత్వంలో కూడా సగానికి పైగా జనం మనవాళ్ళవల్లే అణచివేతకు, దోపిడీకీ బలవుతున్నామని గగ్గోలు పెడుతున్నారంటే అది ఎవరి తప్పు? ఇవ్వాల్టికీ ఎందుకిన్ని ఆర్ధిక, సామాజిక అసమానతలు? అప్పటి దురాక్రమణలకు కారణాలు సవాలక్ష. కానీ ఇవ్వాల్టి దుస్థితికి మూలకారణం మాత్రం ఎక్కువమందిలో ఇంకా అప్పటి బానిసభావాలు అంతరించకపోవడమూ, నా మంచీ చెడు నేనే చూసుకుంటూ దేషాభి వృద్ధికి ఉడుతాభక్తిగా తోడ్పడాలనే భావజాలం బాగా లోపించడమే.
నిరాసక్తత, మితి మీరిన స్వార్ధపరత్వం సరే సరి. మనస్సాక్షి లాంటి పిచ్చి మాటలను పక్కకు పెడితే హాయిగా ఉంటామన్న వింత పోకడ. అది నిజామా? దీనికి అంతం ఎప్పుడు? నిషితంగా పరిశీలిస్తే, అత్యంత విలువైన, అదీ ఉచితంగా వస్తున్న మంచినీటిని, కరిగిపోతున్న పెట్రోలు లాంటి ప్రకృతి వనరులను ఎంతమందిమి జాగ్రత్తగా వినియోగిస్తున్నాము? అటవీ సంపదను అంతం చేసి పర్యావరణ సమతుల్యాన్ని దెబ్బతీయటం, దానివల్ల సంభవించే నష్టాలకు వగవటంలో మనకు మనమే సాటి. పునర్వినియోగము చేయలేని ప్లాస్టిక్ను వాడటమే తప్పంటే, దాన్నీ, ఇతర చెత్తనూ వీధుల్లో వెదజల్లి మునిసిపల్ పనివారిని ఇబ్బంది పెట్టడం (వారు ఏరివేసే చెత్తలో 90% మనం నిర్లక్షంగా పారవేసేదే అంటే అతిషయోక్తా?). ఇవ్వన్నీ మనం ప్రాథమిక విద్యలోనే నేర్చుకోవలసిన అతి ముఖ్య విషయాలయినా, నేర్చుకోకుండానే వృద్ధాప్యాన్ని సమీపిస్తున్నాము.
ఉదాహరణకు, మనం ఎక్కడో అనారోగ్యకరమైన ఆహారాన్ని తీసుకున్నాం అనుకుందాం. దాని వల్ల ఆరోగ్యం పాడయితే మనమే మందులు వేసుకోవాలి, అటువంటి మనకు తగని ఆహారాన్ని ఇకపై తీసుకోకుండా జాగ్రత్తగా ఉండాలి. ఇదే సూత్రం మన బాధలన్నిటికీ వర్తిస్తుంది
మనందరికీ తెలుసు, కడుపు చించుకుంటే కాళ్ళ మీద పడటం, మానసిక ఆరోగ్యం దెబ్బతింటo, ఇతరుల దగ్గర చులకన అవడం తప్ప వేరే ఏ ఉపయోగం లేదని. శ్రీశ్రీ గారు అన్నట్టు ఎవరో వస్తారని ఏదో చేస్తారని ఎదురుచూసి మోసపోతూనే ఉండడమా, మనం సైతం సమిధనోక్కటి ఆహుతి ఇవ్వడమా అనేది మనమే తేల్చుకోవాలి. ఎవరో అన్నట్లు ఏదీ ఉచితంగా రాదు. వచ్చినా మననంటి పెట్టుకొని ఉండనే ఉండదు. ఇంట్లో పిల్లలకు వినయవిధేయతలు అబ్బలేదని వాళ్ళు మనంత ఎదిగిన తర్వాత వగవటంలో అర్థం ఏముంది? పట్టభద్రుడనైన నేను డబ్బులు కొట్టేసిమరీ చెల్లని ఓటు వేసి, రాజకీయ నాయకులను విమర్శిస్తే విలువేముంది? మా అమ్మానాన్నలను నిర్లక్ష్యం చేయటం కళ్ళారా చూసిన పిల్లలు నాకు అదే పాఠం చెప్పుతే, వాళ్ళ తీరును కథలు కథలుగా వర్ణిస్తే వినే వాళ్ళు ఎవరు? కల్తీ సారా తాగి అడ్డం పడ్డాను, డాక్టర్లు పట్టించుకోవడం లేదు అంటే, హత్యలు చేసి జైలుపాలయి, అక్కడ సౌకర్యాలు జైలు మాన్యూయల్ ప్రకారం అందడం లేదంటే పాపం అనే వాళ్ళు ఎవరు? ఆత్యాశతో సైబర్ నేరగాళ్ల బారిన పడి, లక్షలు కొల్లగొట్టారంటే ఎవరు పాపం అంటారు? దీని అర్థం చెడ్డగా, నిర్లక్షంగా జీవితం గడిపినవారిని అందరూ అసహ్యించుకోవాలని, నిరాదరణ చేయాలనీ ఏమాత్రం కాదు. ఆన్ని ప్రభుత్వ విభాగాలు ఎన్నో రకాలుగా (బాధితుల తప్పొప్పులను, గతాన్ని పట్టించుకోకుండా) సేవలు ఎంతో కొంత చేస్తుండబట్టే దేశం అభివృద్ధి పధంలోనే ఉంది. జరుగుతున్న దుర్ఘటనలను విశ్లేషిస్తే 90-95% మానవ తప్పిదాలే బయటపడుతున్నాయి. ప్రభుత్వ సంస్థల విలువైన సమయమంతా వాటిని సరిదిద్దడానికే సరిపోతోo దనేది ఖఠోర సత్యం.
చివరగా, ప్రజలందరూ మేధావులూ, దేశోద్దారకులూ కావాలని ఎవరూ ఆశించరు. కానీ మంచివారిగా మనుగడ సాగించాల్సిన అవసరం, బాధ్యత మాత్రం చిన్నా పెద్దా అనే తేడా లేకుండా ప్రతిఒక్కరిపై వుంది.
మన తీరులోనే ఇంకా చాలా మార్పు రావాలి. పూర్వకాలంలో ప్లేగు వ్యాధి వచ్చి ఊళ్లకు ఊళ్ళు తుడిచిపెట్టుకుపోయాయి. మొన్నటికి మొన్న కోవిడ్ వ్యాధితో ప్రపంచం మొత్తం అల్లకల్లోలం అయ్యింది. ఒకరికొకరం ఎదురు పడటానికికూడా వణికిపోయాం. తొక్కిసలాటల్లో అప్పుడప్పుడూ ఎంతో మంది చనిపోతూనేవున్నారు. ఇంకా ఎన్ని అనుభవాలు కావాలి మనము మారాలని అర్థంచేసుకోవడానికి? భగవద్గీతలో శ్రీకృష్ణుడు చెప్పినట్లు అన్ని సమస్యలకు ఒక్కటే పరిష్కారం, మన ధర్మాన్ని మనం నిర్వర్తిస్తోపోవడమే. దేవుణ్ణి పూజిస్తే వరలిస్తాడని నమ్మేవాళ్ళం తప్పు చేస్తే శిక్షిస్తాడని కూడా నమ్మాలికదా? కొంతవరకూ స్వార్థమూ మంచిదే. నేను బాగుండాలి, నావాళ్ళు బాగుండాలి, నేను పనిచేసే సంస్థ బాగుండాలనుకున్నా, మనవల్ల ఎంతో మంచి జరుగుతుంది. నిష్ణాతులు చెప్పేదేమిటంటే, మనకున్న శక్తి యుక్తుల్లో 15% కూడా వాడమని, సమస్యలోనే దాగివుండే పరిష్కారాన్ని వెతికిపట్టుకోవాలనే ప్రయత్నలోపమే సర్వావస్థలకు మూలకారణమని. ఆ మార్పు దానంతట అదే రాదు. మనమే రప్పిద్దాం. అప్పుడు అంతా బ్రహ్మానందమే.
జి. శ్యామ్‌ప్ర‌సాద్‌
మెంబ‌రు
ఫోరం ఫ‌ర్ గుడ్ గవర్నెన్స్
విద్య
స్వామి వివేకానంద చెప్పిన‌ట్లుగా విద్య అంటే మీ మెద‌డులో ద‌ట్టింప‌బ‌డి జీవిత‌కాలం పాటు అర్థం కాకుండా ఉండే స‌మాచార రాశి కాదు. ఉజ్జీవ‌న‌క‌రం, ధైర్యం, శీల నిర్మాణం వంటి వాటిని అందించేదే నిజ‌మైన విద్య.
ఆ” చెర”ను వీడితే అస‌లైన స్వాతంత్య్రం :
మ‌న‌దేశం అన్ని రంగాల‌లో పురోగ‌తి చెందాలంటే ముందుగా ఏ రంగం పై మన దృష్టి కేంద్రీక‌రించాలి అనే ప్ర‌శ్న వ‌స్తే అది విద్యారంగం అని చెప్ప‌వ‌చ్చును. ఎంద‌రో వీరుల త్యాగ‌ఫ‌లంగా సంక్ర‌మించిన రాజకీయ స్వాతంత్య్రం మ‌న‌ల్ని అక‌ళంక దేశ‌భ‌క్తులుగా తీర్చిదిద్ద‌లేక‌పోవ‌డానికీ, మ‌న‌లో ఆత్మ‌నిర్భ‌ర‌త‌ను, ఆత్మ గౌర‌వాన్ని పెంపొందించ‌లేక‌పోవ‌డానికి కార‌ణం : భావ‌దాస్య‌పు నీలినీడ‌లు భ‌ర‌త‌భూమిని ఇంకా వీడ‌క‌పోవ‌డం, జాతీయ‌భావాలు మన హృద‌యాల‌లో బ‌లీయం కాక‌పోవ‌డం ! దీనికి ప్ర‌ధాన కార‌ణం జాతీయ‌భావాల‌ను ప్రేరేపించ‌లేని, జాతీయ వైభ‌వాన్ని వ‌ర్ణించ‌లేని, జాతీయ విలువ‌ల‌కు దూర‌మైన విద్యా విధానం. ద‌శాబ్ధాలు గ‌డ‌చినా విదేశీ భావ‌జాల‌పు “చెర”లో, మ‌గ్గిపోతూ సంస్కృతి మూలాల‌కు దూర‌మ‌వుతున్న విద్యా వ్య‌వ‌స్థ‌ను సంస్క‌రించక‌పోతే మన జాతి మనుగడ ప్ర‌శ్నార్థ‌కంగా మిగులుతుంది. ఒక జాతిగా మన పూర్వ వైభవం అన‌న్య సామాన్య‌మైన మన సంస్కృతి న‌ర‌న‌రాల‌లోనికి ప్ర‌వేశించే విధంగా విద్యా ప‌ద్ధ‌తుల‌ను మార్చి, సంస్కృతికి దూర‌మైపోయిన విద్యా విధానాన్ని భార‌తీయ సాంస్కృతిక ప్ర‌తిభ‌తో శోభాయ‌మానంగా తీర్చి దిద్దుకోవాలి. అప్పుడే భ‌ర‌త‌జాతికి నిజ‌మైన స్వాతంత్య్రం.
మానసిక వికాస‌మే ప్ర‌ధాన ల‌క్ష్యం కావాలి :
శీలాన్ని రూపొందించి వ్య‌క్తిని నిర్మించి జీవితాన్ని తీర్చి దిద్దే భావ‌న‌ల అవ‌గాహ‌నే విద్య అని స్వామి వివేకానంద అన్నారు. అంత‌రంగంలో ఉన్న ప‌రిపూర్ణ‌త‌ను అభివ్య‌క్తం చేసేదే విద్య అని మ‌రొక సంద‌ర్భంలో ఆయ‌న నిర్వ‌చించారు. జ్ఙానాన్ని ఆర్జించ‌డానికి, విన‌య విధేయ‌త‌లు నేర్చుకోవ‌డానికి, మ‌న‌సును విశాలం చేసుకోవ‌డానికి, స‌మ‌భావం, స‌హ‌వేద‌న‌ల‌ను అల‌వ‌ర్చుకోవ‌డానికి విద్యాల‌యాల‌కు వెళుతున్నాము అనే భావ‌న విద్యార్థుల మ‌న‌సులో స్థిర‌ప‌డేలా విద్యాల‌యాల‌ను తీర్చిదిద్దాలి. ధ‌న స‌ముపార్జ‌నే ల‌క్ష్యంగా, పోటీప‌డ‌డ‌మే మార్గంగా విశృంఖ‌ల ధోర‌ణుల‌తో వ్యాపారం లాగా సాగుతున్న ప్ర‌స్థుత విద్యా విధానాన్ని ప్ర‌క్షాళ‌న చేయాలి.
విద్యార్థిలోని సృజ‌నాత్మ‌క‌త‌ను వెలికితీసేదిగా ఉండాలి :
సృజ‌నాత్మ‌క‌త మ‌నిషికున్న ప్ర‌త్యేక‌త‌ల‌లో ఒక‌టి. ప్ర‌తి మ‌నిషిలోను ఏదో ఒక విష‌యంలో సృజ‌నాత్మ‌క ప్ర‌తిభ ఉంటుంది. అది ఎవ‌రికి ఎందులో ఉందో దానిలో వారిని ప్రోత్స‌హించేదిగా విద్యా విధానం ఉండాలి. అటువంటి విద్య మాత్ర‌మే మ‌నిషి ఆంత‌రంగిక వికాసానికి తోడ్ప‌డుతుంది.
ఆత్మ శ్ర‌ద్ధ‌ను, భ‌గ‌వంతునిపై శ్ర‌ద్ధ‌ను పెంచేదిగా ఉండాలి :
మ‌నిషిలో శ్ర‌ద్ధ‌ను జాగృతం చేయలేని విద్య నిర‌ర్థ‌కం. విద్య మ‌నిషికి త‌న‌పై విశ్వాసాన్ని పెంచేదిగా ఉండాలి. ఆత్మ‌న్యూన‌త భావాల‌ను తొలగించే విధంగా పాఠ‌శాల‌లోని వాతావ‌ర‌ణం ఉండాలి. విద్య పెద్దల‌ను గౌర‌వించే సంస్కారాన్ని అందించ‌గ‌ల‌గాలి. ఆస్తిక్య బుద్ధిని ప్రేరేపించాలి. దైవాన్ని కేంద్రంగా చేసుకొని జీవించ‌డం విద్యార్ధుల‌కు అల‌వాటు చేయాలి. భ‌గ‌వంతునిపై విశ్వాసం మ‌నిషిలో విన‌యాన్ని క‌లిగిస్తుంది. ధైర్యాన్ని , స్థ్తైర్యాన్ని క‌లిగిస్తుంది. ఈ ఆస్తిక్య బుద్ధి బాల‌ల మానసిక ఆరోగ్యానికి ఎంతగానో దోహ‌ద‌ప‌డుతుంది.
విద్యార్థుల‌లో నిర్మాణాత్మ‌క‌త‌ను ప్రేరేపించాలి :
పాఠ‌శాల స్థాయిలో విద్యా సామ‌ర‌స్యాన్ని, స‌యోధ్య‌ను , నిర్మాణాత్మ‌క ఆలోచ‌న‌ల‌ను ప్రేరేపించేదిగా ఉండేలా జాగ్ర‌త్త వ‌హించాలి. స‌మాజ శ్రేయ‌స్సుకై జీవితాల‌ను అర్పించి దేశ శ్రేయ‌స్సుకై నిర్మాణాత్మ‌కంగా, నిశ్శ‌బ్ధంగా పాటుప‌డుతున్న మ‌రియు జాతీయ స‌మైక్య‌త‌కు కృషి చేస్తున్న వారి జీవ‌న విశేషాల‌ను, ఆద‌ర్శాల‌ను ప‌దే ప‌దే పిల్లలకు వినిపించి ఈ విలువ‌లు వారి మ‌న‌స్సుల‌లో నాటుకునేలా చేయాలి. పిల్లలకు చిన్ప‌ప్ప‌టి నుండి నిర్మాణాత్మ‌క విలువ‌లు అందించ‌క‌పోతే ప్ర‌గ‌తి సుస్థిరం కాదు. పొందిన స్వాతంత్య్రాన్ని ర‌క్షించేవారు స‌రిగా లేక‌పోతే స్వాతంత్య్రం పొంది లాభం ఉండదు. అటువంటి స్వాతంత్య్ర ప‌రిర‌క్ష‌కుల‌ను మన విద్యా విధానం సృష్టించ‌గ‌ల‌గాలి.
జాతీయ‌క‌ళ‌ల‌ను ప్రోత్స‌హించాలి :
మ‌న‌దేశానికి ఎంతో ప్రాచీన చరిత్ర ఉంది. ఎన్నో ఒడుదుడుకుల‌ను త‌ట్టుకొని నేటికి నిలిచిఉన్న అతి పురాత‌న సంసృతి మ‌న‌ది. కాల‌గ‌మ‌నంలో వేలాది క‌ళ‌లు మ‌న‌దేశంలో జ‌న్మించాయి. వృద్ధిచెందాయి. అద్భుతంగా విక‌సించాయి. మన విద్యారంగం ఆధునికి అంత‌ర్జాతీయ ఒర‌వ‌డుల‌ను అనుస‌రిస్తూనే సంగీతం, నాట్యం, శిల్ప‌క‌ళ, చేనేత, సాహిత్యం, చిత్ర‌లేఖ‌నం, మ‌రుగున ప‌డుతున్న ఎన్నో ర‌కాల హ‌స్త‌క‌ళ‌ల‌ను ప్రోత్స‌హించే విధంగా రూపాంత‌రం చెందాలి.
జాతీయ‌భాష‌ల‌ను ప‌రిర‌క్షించాలి :
సాహిత్య‌పుష్టి క‌లిగిన ఎన్నో భాష‌ల‌కు ఆన‌వాలం మ‌న‌దేశం. విదేశీ దోపిడీదారులు ప్ర‌వేశ‌పెట్టిన ఆచారాల‌కు కాని, భాష‌ల‌కు కాని, క‌ట్టుబాట్ల‌కు కాని, దాస‌త్వం చేయ‌డం ఆత్మ‌గౌర‌వానికి భంగ‌క‌రం అనే విష‌యం మనం గ‌మ‌నించాలి. మన జాతీయ‌భాష‌లు మ‌రుగున ప‌డ‌కుండా చూడాల్సిన భాద్య‌త కూడా విద్యారంగానిదే. అంత‌ర్జాతీయ రంగంలో ఆంగ్ల‌భాష ఆవ‌శ్య‌క‌త ఎంత ఉన్న‌ప్ప‌టికీ దానికి మాతృభాష లుప్తం చేసే విధంగా అవ‌కాశం ఇవ్వ‌కూడ‌దు. భిన్న‌త్వంలో ఏక‌త్వం అనే విలువ‌పై మన జాతీయ‌భాష‌ల‌ను ఐక‌మ‌త్యంతో ర‌క్షించుకోవాలి. దాని కోసం విద్యారంగం విధానాల‌లో అవ‌స‌ర‌మైన మార్పులు చేయాలి.
భావం, బుద్ధి, ఆచ‌ర‌ణ‌ల క‌ల‌యిక‌గా వ్య‌క్తిని తీర్చిదిద్దాలి :
స్పందించే హృద‌యం, ఆలోచించే మెద‌డు, పనిచేసే చేయి ఈ మూడు క‌లిగి ఉన్న వ్య‌క్తులు నాకు కావాలి అని స్వామి వివేకానంద అనేవారు. నేటి విద్యావిధానం మ‌నిషిని స్వ‌లాభాపేక్ష మాత్ర‌మే క‌లిగిన స్వార్థ‌ప‌రునిగా త‌యారుచేస్తుంది. కేవలం ధ‌న స‌ముపార్జ‌న‌కు మాత్ర‌మే విద్య‌ను అభ్య‌సిస్తున్నాం అనే భావ‌నే విద్యార్థుల‌లో నాటుకునే విధంగా మన విద్యా సంస్థ‌లు ప్ర‌వ‌ర్తిస్తున్నాయి. పోటీ స్వ‌భావాన్ని పెంచి పోషిస్తున్న నేటి విద్య చాలా ప్ర‌మాద‌కరం. విద్యా సంస్థ‌ల‌లో పోటీ మ‌న‌స్త‌త్వాన్ని క‌లిగించే వాతావ‌ర‌ణాన్ని పూర్తిగా నిర్మూలించి ఒక స‌మ‌గ్ర వ్య‌క్తిత్వాన్ని నిర్మించేవిగా వాటిని తీర్చిదిద్దాలి.
మన జ్ఙాన సంప‌ద‌పై విరివిగా ప‌రిశోధ‌న జ‌ర‌గాలి :
శాస్త్రీయ‌తాబ‌ద్ధ‌మైన మన ఆధ్యాత్మిక జ్ఙానాన్ని ఆధునిక విజ్ఙానంతో అన్వ‌యం చేసే ప్ర‌త్యేక కార్యానికై విద్యారంగం కంక‌ణం క‌ట్టుకోవాలి. పాశ్చాత్య శాస్త్ర‌వేత్త‌ల‌ను ఆశ్చ‌ర్య‌ప‌రుస్తున్న మన పురాత‌న గ్రంధాల‌లో నిక్షిప్త‌మై ఉన్న జ్ఙాన‌సంప‌ద గురించి ప్ర‌తి భార‌తీయుడు తెలుసుకొని గ‌ర్వ‌ప‌డేలా చేయాలి. ఏ భాష‌లో మన సంస్కృతి నిక్ష్తిప్త‌మై ఉన్న‌దో అటువంటి సంస్కృత భాష‌ను జ‌న‌సామాన్యానికి అందుబాటులో ఉండేట‌ట్లు స‌ర‌ళీక‌రించాలి. ఇప్ప‌టికీ కొన్ని దేవాల‌యాల‌లో ఎన్నో తాళ‌ప‌త్ర గ్రంధాలు ర‌క్షింప‌బ‌డి ఉన్నాయి. వాటిని ప‌రిశోధించే ఏర్పాటును చేసి అందులో ఉన్న జ్ఞానాన్ని బ‌హిర్గ‌తం చేయాలి.
మన చ‌రిత్ర‌ను ధృడ‌మైన పునాదుల‌పై ధృవీక‌రించాలి :
ఒక జాతి యొక్క గ‌ర్వం, ద‌ర్పం, ఆ జాతి గ‌త చ‌రిత్ర‌పై ఆధార‌ప‌డి ఉంటాయి. మనం ప్ర‌స్థుతం చ‌దువుతున్న చరిత్ర పుస్త‌కాలు భార‌త‌దేశంపై ఏ మాత్రం అవ‌గాహ‌న లేని విదేశీయులు రూపొందించిన అతుకుల బొంత‌లు అస్త‌వ్య‌స్థంగా వ‌క్రీక‌రించ‌బ‌డిన క‌ట్టుక‌థ‌లు. మన క‌ల్ప‌న‌కు అంద‌ని వాస్త‌వ దూరాలు. మన వాస్త‌వ చ‌రిత్ర‌ను శాస్త్ర‌బ‌ద్ధ‌మైన ప‌రిశోధ‌న ఆధారంగా తిరిగి రాయాలి. అది అత్యంత ప్రేర‌ణ‌దాయకంగా ఉండాలి అని స్వామి వివేకానంద నొక్కి వ‌క్కాణించారు. అదే మాట‌ను సోద‌రి నివేదిత కూడ ప‌దే ప‌దే చాలా స్ప‌ష్టంగా భార‌తీయుల‌కు తెలియ‌జేశారు. మన చ‌రిత్ర‌ను ధృడ పునాదుల‌పై నిల‌బెట్ట‌డానికి అవ‌స‌ర‌మైన ప‌రిశోధ‌న‌ల‌కు వీలైనంత ప్రోత్సాహ‌క సహ‌కారాల‌ను విశ్వ‌విద్యాల‌యాలు అందించాలి. ఈవిధంగా మన విద్యా విధానం ఎన్నో విధాలుగా సంస్క‌రించ‌బ‌డ‌వ‌ల‌సి ఉన్న‌ది. పౌరులు, నాయకులు, అధికారులు భాద్య‌తాయుతంగా ఆలోచించి మ‌న‌దేశంలో విద్య‌రంగాన్ని ప్ర‌క్షాళ‌న చేయ‌డానికి అవ‌స‌ర‌మైన అన్ని చ‌ర్య‌ల‌ను స‌త్వ‌ర‌మే చేప‌ట్టాలి. ఈ చ‌ర్య‌ల‌తోనే అస‌లైన స్వాతంత్య్రం సాధించిన‌వార‌మ‌వుతాం.
మూలం – (ప్ర‌వ్రాజిక త్యాగ‌నిష్ట ప్రాణ వ్యాసం నుండి)
యం. వెంక‌ట‌రావు
మెంబ‌రు
ఫోరం ఫ‌ర్ గుడ్ గవర్నెన్స్
FGG IN NEWS
FGG IN ACTION
FGG Submitted representations to various departments in the month of OCTOBER 2025
- To the Commissioner, Transport regarding Distribution of money to press persons in Mancherial Transport office to cover up the irregularities, Request for inquiry – on 4-10-2025
- To the Commissioner, GHMC regarding Transfer of underperforming engineers to their parent departments, Request to make common service for all the employees of MA&UD department in the state – on 4-10-2025
- To the Chief Minister regarding Abnormal delay in disposal of disciplinary cases in MA&UD department to help the tainted officials, Request to take action for quick disposal of cases – on 10-10-2025
- To the Commissioner, State Election Commission regarding Conduct of Local Body elections in Telangana State – on 21-10-2025
- To the Prl. Secretary, Environment, Forest, Science & Technology department regarding Request for ban on Single Use Plastics – on 23-10-2025
- To the Prl. Secretary, Environment, Forest, Science & Technology department regarding Large scale vacancies in Pollution Control Board, Request for filling up the vacancies – on 23-10-2025
- To the Prl. Secretary, Health Medical & Family Welfare department regarding Gandhi Hospital Staff troubling the patients for bribes, Request to set right the services at Gandhi Hospital – on 23-10-2025
- To the Political Party Presidents regarding పోటీలో ఉన్న “అభ్య‌ర్థుల‌తో ముఖాముఖి” కార్య‌క్ర‌మం గురించి – on 28-10-2025
- To the Contesting Candidates in Jubilee hills By-poll regarding అభ్య‌ర్థుల‌తో ముఖాముఖి” కార్య‌క్ర‌మం గురించి – on 28-10-2025
- To the Chief Electoral Officer, Election Commission of India, Telangana State regarding Voter Awareness Program – on 31-10-2025
FGG submitted following RTI letters to various departments in the month of OCTOBER 2025
To the PIO, O/o Prl. Secretary, Finance department regarding Total amount of loan obtained by State Government – on 6-10-2025
To the PIO, O/o Director, Board of Intermediate Education, regarding Contract Lectures – on 23-10-2025
To the PIO. O/o Prl. Secretary, School Education department, regarding status of representation on School status at Sangareddy – on 23-10-2025
To the PIO, O/o Engineer-In-Chief, Panchayat Raj department regarding Special Development Funds – on 23-10-2025
To the PIO, O/o Commissioner, Vaidhya Vidhana Parishad regarding construction of hospitals and staff details – on 23-10-2025
To the PIO, O/o Director, Public Health & Family Welfare regarding construction of hospitals and staff details – on 24-10-2025
To the PIO, O/o Executive Engineer, HRDCL regarding construction Companies and work details. – on 25-10-2025
FGG TIMES
M. Padmanabha Reddy I.F.S.(R) (President)