మాకు ఒకే లక్ష్యం – అవినీతి రహిత ప్రపంచం కావాలని ట్రాన్స్‌పరెన్సీ ఇంటర్నేషనల్ అంతర్జాతీయ ప్రభుత్వేతర సంస్థ గొంతెత్తి చెబుతోంది . ఆ సంస్థ ప్రధాన కార్యాలయం బెర్లిన్, జర్మనీలో ఉంది. ప్రపంచవ్యాప్తంగా 100+ దేశాల్లో కార్యకలాపాలు నిర్వహిస్తోంది. దాని యొక్క ప్రధాన కర్తవ్యం ఏమిటంటే , అవినీతిని బహిర్గతం చేయడం, అవినీతిని ఎదుర్కొనడం, అవినీతిని అంతం చేయడమే ప్రధాన లక్ష్యం అంటోంది. సమాజంలోని అన్ని స్థాయిల్లో మరియు అన్ని రంగాల్లో అవినీతి నివారించడంతో పాటు పారదర్శకత, బాధ్య‌త‌ల‌ను పెంపొందించడం , మరియు నిజాయితీని ప్రోత్సహించడమే ఆ సంస్థ ప్రధాన ఉద్దేశం. ఆ సంస్థ ట్రాన్స్‌పరెన్సీ ఇంటర్నేషనల్ 1993లో స్థాపించబడింది. .
ఆ సంస్థ యొక్క ప్రధాన కార్యకలాపాలు కరప్షన్ పర్సెప్షన్ ఇండెక్స్ సూచిక ద్వారా ప్రపంచవ్యాప్తంగా దేశాల అవినీతి స్థాయిని అంచనా వేస్తుంది. ప్రభుత్వ పాలనలో పారదర్శకత, వ్యాపార సంస్థలు అవినీతి రహితంగా ఉండేలా సిఫార్సులు, పర్యవేక్షణ వంటి అంశాలపై దృష్టి పెట్టడం.
అదే విధంగా అవినీతి వ్యతిరేక చట్టాల కోసం ప్రచారం, వివిధ దేశాల్లో కఠినమైన చట్టాలను అమలు కోసం ప్రయత్నాలు, విధాన మార్పులకు ఒత్తిడి మరియు విజిల్ బ్లోయర్సు బాధితులకు సహాయం, అవినీతిని బయటపెట్టే వ్యక్తులకు రక్షణ కల్పించడం కోసం సహాయం అందించడం.

అందులో భాగంగానే గత నెల 11 న ట్రాన్పరెన్సి ఇంటర్నేషనల్ ప్రతి ఏడాది ఆ సంస్థ ఆధ్వర్యంలో నిర్వహించే 2024 సంవత్సరము యొక్క కరప్షన్ పర్సిప్షను ఇండెక్స్ సూచికను విడుదల చేసింది. 180 దేశాల్లో ఆ దేశంలోని పరిపాలనలో బాగంగా జరుగుతున్న అవినీతి గురించి ప్రపంచ వ్యాప్తంగా ఏ దేశం ఏ ర్యాకింగ్ లో వుందని వారి అధ్యయనం ద్వారా మన దేశ ర్యాంకు 96 వ స్థానంలో నిలిచింది. వారి యొక్క అధ్యయనం ప్రకారం మన దేశానికి 38 మార్కులు వచ్చాయి. జిరో మార్కుల వచ్చిన దేశం అత్యధికంగా అవినీతి పాల్పడుతుందని, అదేవిధంగా 100 మార్కులు వచ్చిన దేశం అవినీతి రహిత దేశంగా ఉందని కొన్ని పద్ధతుల్లో అధ్యయనం ప్రతి ఏడాది జరుగుతోంది . అయితే పోయిన 2023 ఏడాది మన దేశం 39 మార్కులు సాధించి ప్రపంచ వ్యాప్తంగా 93 వ ర్యాంకు సాధించింది. ఈ ఏడాది శ్రీ లంక 121 వ ,పాకిస్తాన్ 135 వ ర్యాంక్ తో మన తర్వాత స్థానం లో ఉన్నాయి. జపాన్ ,యూ కే 20 వ ర్యాంకు తో అమేరికా 63 వ ర్యాంకు చైనా 76 వ ర్యాంకు తో మన కంటే తక్కువ అవినీతి దేశాల‌ జాబితాలో ఉన్నాయి. మన తర్వాత స్వతంత్రం పొందిన దేశాలు పాలనలో ఖచ్చితమైన చర్యలు అవలంబించి అవినీతిని అరికట్టుకొని మంచి మార్కులు సాధించి పై స్థాయిలో ఉన్నాయి.

నాగరిక ప్రపంచంలో అవినీతియే మనషుల మద్య నమ్మకాలు మందగిస్తాయని, అవినీతియే ప్రజాస్వామ్యం బలహీన పడుతుందని ,అవినీతియే నిరుద్యోగానికి ,పేదరికానికి వలసలు కారణమని తెలియక కుల మత ప్రాంత లింగ భేదాలతో ఘర్షణ పడుతున్నాం.
ఒక దేశంలో అవినీతి పెరిగితే ప్రజలకు ప్రభుత్వాలపై నమ్మకం సన్నగిల్లుతుంది. అబద్ధపు ప్రచారాలు చేసుకుంటూ ప్రజల్లో ఒకరి మీద ఒకరికి నమ్మకం లేకుండా పోతుంది. ప్రజలు తమ ఓటును నాయకులు మీద నమ్మకం లేక అమ్ముకుంటారు. నాయకులు కూడా విపరీతంగా ఎన్నికల్లో ఖర్చు చేసి ఆ తర్వాత ప్రజల సొమ్ము దోచుకుంటారు. మేము ఏమి తక్కువ కాదని అధికారులు కూడా లంచం తీసుకోకుండా పని చేయరు. అవినీతి ప్రజాస్వామ్యాన్ని బలహీనపరుస్తుంది, పారదర్శకత తగ్గి, ప్రజల విశ్వాసాన్ని దెబ్బతీస్తుంది. న్యాయవ్యవస్థపై ప్రభావం చూపించి చట్టాల సరైన అమలును అడ్డుకుంటుంది. అధికారులు దుర్వినియోగం పెరిగి, ధనికులు మరియు అధికారులు లాభపడేలా చేస్తుంది, సామాన్య ప్రజలకు అన్యాయం జరుగుతుంది. ప్రజలు ఎన్నికలపై ఆసక్తి కోల్పోయి, పాలనలో పాల్గొనడం తగ్గిపోతుంది. ఈ నేపథ్యంలో, ప్రజాస్వామ్యం తన అసలు ఉద్దేశాన్ని కోల్పోయి, అధికార దుర్వినియోగం పెరిగేలా చేసి నియంతృత్వ పాలనకు మార్గం సుగమం చేస్తుంది. అవినీతి వల్ల ఉద్యోగావకాశాలు తగ్గి నిరుద్యోగం పెరుగుతుంది. పారదర్శకత లేకపోవడం, న్యాయసమ్మతమైన అవకాశాలు అందకపోవడం వలన పెట్టుబడిదారులు భయపడతారు, ఫలితంగా కొత్తగా పెట్టుబడులు రాకపోవడంతో ఉపాధి అవకాశాలు తగ్గిపోతాయి. ఈ పరిస్థితి ప్రతిభావంతులను గుర్తించలేక పోవడంతో మెరుగైన అవకాశాల కోసం యువత విదేశాలకు వెళ్ళడంతో బ్రెయిన్ డ్రైన్‌కు దారితీస్తుంది . అదే కాకుండా, ఆర్థిక అభివృద్ధిని కూడా నిలిపి పేదరిక స్థాయిలను పెంచుతుంది.

ఇవన్నీ కూడా మౌనంగా ఉన్న మేధావులకు తెలియదా అంటే తెలుస‌నే చెప్పాలి. కానీ వారిని మనం చట్టసభల్లో పంపలేము , వారు ప్రస్తుత ఎన్నికల్లో ఖర్చు భరించి రాజకీయాలలో ప్రవేశించలేరు. ప్రస్తుత సమాజం మేధావులకు కొరవేమిలేదు. మనకెందుకులే, మార్పు కోసం ధైర్యం చేయలేక తటస్థులుగా మిగిలిపోతున్నారు ..

తాము మేధావులమని నిజాయితీ పరులమని ఇతరుల మేధస్సును నిజాయితీని ఒప్పుకోరు , ఇతరులను కలుపుకోరు మంచి వారిని ప్రోత్సహించలేరు . మనదేశంలో మనము అందరూ చేసేది తప్పులే నని కాకపోతే ఒకరు ఎక్కువ ఒకరు తక్కువ అంతే తమకు తాముగా సర్దుబాటు చేసుకుంటూ బతికేస్తున్నాము. మనమైన భారతీయులము మార్పు కోసం ప్రయత్నం చేయ్యం . మార్పు కోసం పోరాటం చేసే వారికి సహకరించము , చెయ్యనియ్యము. సామాన్య ప్రజలకు పూర్తిగా ప్రజాస్వామ్య ఫలాల‌ గురించి తెలియక తమ బాధ్యతలను మరిచి హక్కుల గురించి మాట్లాడడం భవిష్యత్ కొరకు సంపాదన కట్టుబాట్ల మధ్య,బ్రమల్లో జీవిస్తూ ఇతరులను విపరీత పోకడలతో ,సహనాన్ని కోల్పోయి ,నిందిస్తూ ఉంటారు కాలయాపన చేస్తారు. ఇదే మన సమాజం వెనుకబాటుకు కారణం. మన స్వతంత్ర పోరాటం సుదీర్ఘ కాలం కొనసాగడము మన వాళ్ళు మనకు సహకరించక పోవడం ఐక్యత కొరవడి వలన ఆలస్యమై ఎందరినో కోల్పోయామని చరిత్ర చెపుతుంది.

మన అభివృద్ధికి ఆటంకం అవినీతియేనని తెలుసుకుంటే మంచిది . ఒక బలమైన , దేశభక్తి గల నిరహంకారి, నిజాయితీ కలిగిన సమర్థుడైన నాయకుడు ఉంటే చాలు ఈ దేశం బాగుపడుతుంది. మన భవిష్యత్తు తరాల కోసం మనం ఆయన అన్వేషణలో ఉందాం.

సోమ శ్రీనివాస్ రెడ్డి
కార్యదర్శి ఫోరం ఫర్ గుడ్ గవర్నెన్స్